O pasado 15 de marzo dende a rede ReVOLTA organizamos as xornadas Ecofeminismos e Rural, a través deste encontro queríamos abrir un espazo de debate e interacción entre a universidade e a sociedade co obxectivo de pensar que liñas de investigación abre o ecofeminismo. Grazas a participación de máis de 60 persoas e a vontade de dialogo e colaboración que se deron na xornada atendéronse a cuestións como os coidados, a necesidade dunha nova relación entre natureza e o ser humán ou a importancia de resituar a vida no centro, cuestionando así o modelo productivista que impera na actualidade.
Co obxectivo de que esta xornada sirva para o conxunto da sociedade fixemos unha reportaxe do Encontro no que damos conta das principais liñas abertas ao longo do mesmo (agradecemos aqui o bo facer da Canle Ribeira Sacra, que realizou esta peza), asi como subimos os auidos das xornadas, coa intención de continuar abrindo este debate.
A todas as persoas que participaron no encontro, tanto as persoas asistentes como as ponentes, agradecer de novo a participación na xornada.
